Familien garrantzia gure hezkuntza proiektuan

GURASO ELKARTEA

Ikasleen Gurasoen Elkartea (IGE) Jado Ikastetxean matrikulatutako seme-alaben gurasoek osatutako talde bat da eta hezkuntza proiektua garatzen laguntzea du helburu nagusi. Hezkuntza-erkidegoaren zati denez gero, Eskola Kontseilurako bere ordezkariak aukeratzen ditu IGEk, eta berorrek aurrez onetsitako estatutuen arabera jarduten du.

HELBURUAK:

Ikastetxearen hezkuntza-jardueretan parte hartzea eta laguntzea.
Gurasoek ikastetxearen kudeaketan parte hartu dezaten bultzatzea.
Ikasleen gurasoen ordezkaritza erraztea Eskola Kontseiluan.
Ikasleriaren erabateko formakuntzaren eta bere nortasunaren garapenaren aldeko jarduerak sustatzea eta laguntzea.
Formakuntza jarduera osagarriak antolatzea.
Eskolaz kanpoko ekintzak sustatzea.
Familien eta ikastetxearen artean modu aktiboan jardutea.

BATZORDEA

Gure elkartean era desinteresatuan aritzen diren zenbait guraso daude, eguneroko bizitzaren jarduerek libre uzten dieten denbora musutruk ematen dutenak. Gure elkartea askea eta anitza izateaz gain, bazkideek proposatutako ekimenei eta proiektuei irekita dago.

Anima zaitez parte hartzera!

IGEarekin kontaktua:

ige-ampa@jadoikastetxea.eusampajadoikastetxea@gmail.com