Jadoren instalazioak bi gunetan daude: Tartanga eta Geltoki. Lehenengoan, Haur Hezkuntzako eta Lehen Hezkuntzako ikasleak hartzen ditugu. Geltokin, berriz, DBHko ikasketak egiten dira.
Familia eta lanbide bizitza uztartzeak familia batzuentzat duen zailtasunaz jabetuta, Haur eta Lehen Hezkuntzan (1. eta 2. zikloak), goiztiarrentzako gela bat eskaintzen dugu; 7:30etik eskola-ordutegia hasi arte, haurren zaintzarako artatuta dago.
Zerbitzu hori modu jarraituan eska daiteke edo aldian behin, familien beharretara egokitzen baita.
Kirola egiteko espazio zabalak ditugu: bi gimnasio, saskibaloiko bi kantxa, bi areto-futbol eta frontoi bat. Kiroldegiaren hurbiltasunak, gainera, Gorputz Hezkuntzako klaseetan udal igerilekua aprobetxatzeko aukera ematen digu.
