IGEak antolatzen dituen eskolaz kanpoko jarduerak komenigarriak dira ikasleen hezkuntza integralerako. Ikasgeletan ikasitako gaiak beste era batera landu daitezke musikaren, dantzaren, hizkuntzen edo kirolaren bidez. Orobat, IGEak dirulaguntza ematen du ikasturtean zehar egiten diren irteerak merkeagoak izan daitezen familientzat.
Eskaintza honek autoestimua eta sozializazio-prozesua hobetzen lagun dezake, lagun berriak ezagutzeko ingurune egokia eskaintzen baitu. Gure ikasleek gozatuz ikastea da helburu nagusia.